إنترنت بلا حدود
اللي ميعرفش يعرف .. و اللي عرف يعّرف غيره
تخفيض أسعار الانترنت فائق السرعة 50% .. للوهلة الأولى يعجبك الخبر و تقول الحمدلله بس ادخل و اقرأ الخبر بقى
وحدد مجلس إدارة الجهاز طاقة التنزيل بطاقة تحميل 2 جيجا شهريا أو تحديد عدد ساعات الربط حسب طلب المشترك ، وعند طلب المشترك طاقة تنزيل أو ساعات ربط إضافية يتم سداد المقابل الشهري الإضافي.
و كتير مننا قرأ الخبر ده و استنكر الموضوع .. لكن اللي معجبنيش خروج السيد المسئول في اليوم التاني و يقول إن النظام ده مبيحددش عدد ساعات الاستخدام و انك ممكن تفضل مشغل الخط للوقت اللي انت عايزه .. طيب يا سيادة المسئول ماهو ده مخصوم من استخدامي لطاقة التحميل أو بالأحرى (التنزيل) اللي انا اخدتها .. غير كده إن 2 جيجا شهرياً أو 60 ساعة بقيمة 45 جنيه أغلى من اشتراك غير محدود بنفس السرعة و بـ 95 جنيه ..
يا سيادة المسئول إنت بدل ما بتحاول تقلل من الوصلات غير المشروعة بتزودها أكتر و أكتر و النظام أثبت فشله قبل كده لما كانت إحدى الشركات طبقته و حتى في الدول الأخرى النظام غير مستخدم بل بتوصل السرعة أضعاف أضعاف أكبر سرعة إنترنت في مصر و هي 3.5 ميجا ..
أعتقد إن السيد المسئول لازم ياخد في باله إنه بيكلم ناس ربنا رزقها بعقل تفكر بيه و إنه مش بيكلم واحد قاعد على شط الترعة و بياكل قصب .. انت بتكلم مستخدم واعي عارف إن ده تقييد لحق الاستخدام و حرية التنزيل للمستخدم .. كل مستخدم حر في إنه ينزل اللي هو عايزه بدون قيود اللي عايز أفلام , أغاني , برامج .. كل واحد حر.. أي نعم الانترنت مش أفلام و أغاني و بس لا عندك حق فيه كم معلومات لا حصر لها .. لكن المستخدم حر في كيفية استخدام الخط الخاص بيه ..
أقل السرعات اللي ممكن تشوفها في أوروبا مثلاً 8 ميجا/ثانية و طبعاً بأسعار زهيدة ممكن توصل لـ 50 يورو شهرياً .. أعتقد إن لو الهيئة المسئولة اهتمت بتطوير و زيادة السرعات و في نفس الوقت تكون الجودة أحسن و بأسعار مناسبة للمستخدم أحسن ما تحاول تطبق نظام (فاشل) .. النظام هيتم تطبيقه من أول سبتمبر و يا خبر انهارده بفلوس بكره يبقى ببلاش ..
في بعض المواقع ظهرت بتتكلم عن الموضوع ده و بتعمل حملة كبيرة سواء بين المستخدمين أو لإيصال المشكلة لوسائل الإعلام و توقيع عريضة ضد النظام الجديد في تحديد استهلاك المستخدم للإنترنت اللي يقال عليه “فائق السرعة” ده لو كان كده فعلاً.
http://msh-ana.blogspot.com/2007/07/blog-post_22.html
(لم يتم تقييمه) • 
23 يوليو, 2007 في الساعة 3:03 م
السلام عليكم,
انا بالفعل اتفاجئت بالقرار ده أول امبارح و أول من يرفضه
مش عارف , طيب هما ليه عملوا انترنت فائق السرعة اساساً !
المهم اني كالعادة لازم انشر الموضوع و ادعمه في مدونتي
و عملت لكل موقع من الموقعين زي بلوك صغير اتمني ان كل واحد رافض للقضية انه يدعم القضية دي في موقعه و لو بكلمة.
انا كنت ناوي أكتب عن الموضوع بس انتا كفيت و زيادة و هاكتفي بالtraceback
تحياتي,,
محمد عبد الشكور عرب
23 يوليو, 2007 في الساعة 3:56 م
[...] باستفاضة في مدونته Stylish عن هذا الموضوع تدوينه بعنوان انترنت بلا حدود و صديقي ابراهيم عبد الغني في مدونته ثواب تدوينه بعنوان [...]
23 يوليو, 2007 في الساعة 5:15 م
الحتت دي جامدة جدا
“أعتقد إن السيد المسئول لازم ياخد في باله إنه بيكلم ناس ربنا رزقها بعقل تفكر بيه و إنه مش بيكلم واحد قاعد على شط الترعة و بياكل قصب”
——
“جهاز تبويظ الإتصالات”
24 يوليو, 2007 في الساعة 2:55 ص
يا جماعة الحملة بتاعتنا طلعت على القاهرة اليوم بتاع عمرو أديب، و جاب الوزير و قعدوا يتنحوا قدام بعض و في الآخر البيه شكله عاوز يمشي اللي في دماغه
و علشان كده احنا لازم يكون لينا رد و سريع كمان
و احنا بدأنا فعلاً… و التفاصيل انا جمعتها على مدونتي
24 يوليو, 2007 في الساعة 12:31 م
للأسف رد وزير الاتصالات في برنامج القاهرة اليوم “لا يسمن ولا يغني من جوع” .. بس صوتنا بيوصل و لازم نكمل و نستمر
إنترنت بلا حدود| الشامل في كشف خدعة طارق كامل
24 يوليو, 2007 في الساعة 11:39 ص
و الله قرار بجد يدل على متخذينة ..ليس امامنا الا الإحتجاج فى المدونة طالما احنا عايشين فى بلد ديموقراطى بيعمل حساب لرأى الناس ..و سلم لى على الديمقراطية فى ازهى عصورها
26 يوليو, 2007 في الساعة 1:16 ص
[...] Stylish [...]
26 يوليو, 2007 في الساعة 11:43 ص
فعلاً هو يكلم أشخاص واعين ويروح (يستعبط عليهم) الله يعينكم
احتجوا وعسى تأتي نتيجه
ونحن معكم
30 يوليو, 2007 في الساعة 6:44 م
NO DSL
25-8-2007
we will cancel and boycott the ADSL
Hope You’ll Join
30 يوليو, 2007 في الساعة 6:46 م
http://no-dsl.blogspot.com/
31 يوليو, 2007 في الساعة 10:02 م
أسئلة للتاج
http://no-dsl.blogspot.com/2007/07/blog-post_31.html
6 أغسطس, 2007 في الساعة 5:13 م
تم نشر إجابة الاستفتاء على موقع مجلة رؤى الثقافية